ಭಾರತ ಮಾತೆ ದೇವತೆ

ಭಾರತ ಮಾತೆ ದೇವತೆ
~~~~~~~~~~~~

ಹಾರುತ ಹಾರುತಾ ಏರುತಾ ಸೇರುತ
ಮುಗಿಲೆತ್ತರಕೆ ಬಾನಿಗೆ ಬೆರೆಯುತ
ದೇಶದ ಹಿರಿಮೆಯ ಲೋಕಕೆ ಸಾರುತ 
ನವವಿಧ ಗರಿಗಳ ಗಗನಕೆ ಚಾಚುತಾ ||ಪ||

ಹಾರಲಿ ಹಕ್ಕಿಯು ಶಾಂತಿಯ ಸಾರಿ
ಏರಲಿ ರೆಕ್ಕೆಯ ಬಲವನು ತೋರಿ
ಹಾರುತ ಭಾನುವ ಬೆಳಕನು ಮೀರಿ
ಹಾಡಲಿ ಮಾತೆಯ ಜಯಭೇರಿ||೧||

ದೇಶದಿ ಏನೇ ನಡೆಯುತಲಿರಲಿ
ಬಾಹ್ಯಕೆ ಗಮನಕೆ ಬಾರದೆ ಇರಲಿ
ತನ್ನಿ ಬಲವನು ತೋರುವ ದೇಶ
ಬೇಗನೆ ಸವಿಯಿತು ಕುಲನಾಶ ||೨||

ರೈತರ ಯೋಧರ ಕ್ಷೇಮವ ನೋಡಿ
ರಾಷ್ಟ್ರ ಬಲದ ಸಮೀಕ್ಷೆಯ ಮಾಡಿ
ಯುದ್ದವು ಬೇಡವೆ ಬೇಡೆಂದು ಹಾಡಿ
ವಿಶ್ವದಿ ನಡೆಯುವ ಜೊತೆಗೂಡಿ|| ೩||

ಪ್ರಪಂಚವೆ  ದೇವರ ಆಲಯದಂತೆ
ಭಾರತ ಮಾತೆಯು ದೇವತೆಯಂತೆ
ವಿಶ್ವವೆ ನಮ್ಮಯ ಹಿಂದಿರುವಂತೆ
ಬಾಳಬೇಕಿದೆ ಮರೆಯುತ ಚಿಂತೆ ||೪||

ವೈಲೇಶ ಪಿ ಯೆಸ್ ಕೊಡಗು
ಚಾಲಕ ಕರಾರಸಾಸಂಸ್ಥೆ ಮಡಿಕೇರಿ
೧೫/೮/೨೦೧೭