ಅಳಿದ ಅಪ್ಪನಿಗೊಂದು ಬಿನ್ನಹ

ಅಳಿದ ಅಪ್ಪನಿಗೊಂದು ಬಿನ್ನಹ
=====================

ಅಪ್ಪ ಎನ್ನನ್ನು ಬಾಲ್ಯದಲೇ ಬಿಟ್ಟು ಹೋದೆಯಲ್ಲ ನಾನೇನು ಮಾಡಿದೆ ತಪ್ಪಾ?
ವರಿಸಿದ ಹದಿಮೂರು ವರುಷದಿ ಎನ್ನಮ್ಮನನೂ ವಿಧವೆಯಾಗಿಸಿ ಸಮಾಜದಿ ದೂಡಿದೆಯಲ್ಲಪ್ಪ.
ಐದು ವರುಷದ ತಂಗಿ ಏಳು ವರುಷದ ತಮ್ಮ ಒಂಬತ್ತು ವರುಷದ ನನ್ನನ್ನು ಹೇಗೆ ಸಾಕಿರಬೇಕು ಎನ್ನಮ್ಮ.

ಅಪ್ಪ ನೀನಿರಬೇಕಿತ್ತಪ್ಪ ದುಷ್ಟ ಸಮಾಜದಿ ಕಾಮುಕ ಕಣ್ಣುಗಳಿಂದ ನನ್ನಮ್ಮನನು ಕಾಪಾಡಲು ನೀನೇ ಇರಬೇಕಿತಪ್ಪ. ಏನರಿಯದ ನಮ್ಮ ತಿದ್ದಿ ತೀಡಿ ಮುದ್ದಾಡಿ ಬುದ್ಧಿ ಕಲಿಸದೇ ಎಲ್ಲಿ ಹೋದೆಯಪ್ಪಾ. ತಮ್ಮ ತಂಗಿಯರಿಗೆ ಸರಿಯಾದ ಆಹಾರದ ಜೊತೆಗೆ ನೀತಿ ರೀತಿಯ ಕಲಿಸಲು ನಿನ್ನ ಅಗತ್ಯವಿತ್ತಪ್ಪಾ.

ಅಪ್ಪಾ ನೀನಿದ್ದಿದ್ದರೆ ಹದಿಹರೆಯದ ಬಾಲಕ ನಾ ಶಾಲೆಯ ತೊರೆದು ಸ್ವತಃ ದುಡಿದು ತಿನ್ನಬೇಕಿತ್ತೇನಪ್ಪ
ಅಪ್ಪ ನೀನಿದ್ದಿದ್ದರೆ ದುಡಿಯಲೆಂದು ಹೋದ ಎನ್ನಮ್ಮ ಸಮಾಜದ ಕೆಂಗಣ್ಣಿಗೆ ಬಲಿಯಾಗುತ್ತಿದ್ದರೇನಪ್ಪ. ದುಡಿಯದೇ ಏನು ಸಿಗಲಾರದೆಂದರಿತ ಎಮ್ಮ ಅಮ್ಮ ಮಕ್ಕಳ ಜವಾಬ್ದಾರಿಯ ಸರಿಯಾಗರಿಯದೆ  ತಪ್ಪುಮಾಡಿದರಪ್ಪ.

ಮೂರು ಮಕ್ಕಳ ಉದರ ಪೋಷಣೆಗೆ ಹಗಲಿರುಳು
ದುಡಿವ ಭರದಲ್ಲಿ ದಾರಿ ತಪ್ಪಿದ ಮಕ್ಕಳ ಗಮನಿಸಲು ಎನ್ನಮ್ಮನಿಗೆ ಅಸಾಧ್ಯವಾಯಿತು ಅಪ್ಪಾ. ಯಾವ ಜನುಮದ ಪಾಪ ನಾವುಗಳು ನಿನ್ನ ಕಳೆದುಕೊಂಡು ಅನಾಥರಾದೆವಪ್ಪ. ಅಪ್ಪನಿಲ್ಲದ ಬಾಳು ಎಷ್ಟು ಗೋಳೆಂದು ಬಲ್ಲವನು ನಾವೆಂದರೆ ತಪ್ಪೇನಪ್ಪ.

ನಾವಿಂದು ಪಟ್ಟ ಕಷ್ಟವನು ಹಿಂದೆಯೇ  ಅನುಭವಿಸಿದ ನಿನಗೆ ನಮಗಾ ಕಷ್ಟ ಬರಬಾರದೆಂಬ ಅರಿವಿರಲಿಲ್ಲವೇನಪ್ಪ. ಅರಿತರಿತು ತಪ್ಪು ಮಾಡಲು
ಸಾಧ್ಯವೇ ನಿಮಗೆ. ಆ ದೇವನಿಗೂ ಕರುಣೆ ಬಾರದಾಯಿತಲ್ಲಪ್ಪ. ನಿನ್ನ ಮಗನಿಗೆ ಮಾರಣೆ ದಿನ ನೆರೆಯೂರಿಗೆ ಪಿಕ್ನಿಕ್ ಇದೆಯೆಂದರಿತು ಹಸಿರು ಬಣ್ಣದ ಚಣ್ಣ ಬಿಳಿ ಅಂಗಿ ತಂದಿರಿಸಿ ಮಗ ಹೊರಡುವ ಮುನ್ನಿನ ರಾತ್ರಿಯೇ ನಿನಗರಿಯದೇ ನೀನೇ ಬಿಳಿ ವಸ್ತ್ರ ಧರಿಸಿ ನದಿ ದಡದಿ ಮಣ್ಣಲ್ಲಿ ಮಣ್ಣಾದೆಯಲ್ಲಪ್ಪ.

ಇದೋ ಇಂದೀಗ ಅಂದಿನ ಪಿಕ್ನಿಕ್ ತಾಣ ನೀರ ಹಾದಿಯಂತಾಗಿಹುದು ಎನಗೆ ಕಣ್ತುಂಬಿಕೊಳೆ
ನನ್ನವರಾರೂ ಎಂದಿಗೂ ಇಲ್ಲದಾದಿರಲ್ಲಪ್ಪ
ಆ ದೈವದ ಕಣ್ಣಿಗೂ ಕರುಣೆಯಿಲ್ಲದಾಯಿತಲ್ಲಪ್ಪ.
ಏಳೇಳು ಜನುಮದಲೂ ಎನ್ನ ಶತ್ರುವಿಗೂ ಈ ಪರಿ
ಕಷ್ಟ ಬಾರದಿರಲೆಂದು ಆ ದೇವನ ಬೇಡುವೆನಪ್ಪ.

ವೈಲೇಶ ಪಿ ಯೆಸ್ ಕೊಡಗು
7/3/2017

Comments

Post a Comment

Popular posts from this blog

ಭಾಮಿನೀ ಷಟ್ಪದಿ

ಭಾಮಿನಿ ಷಟ್ಪದಿ ೦೧ ಕೊರೆದು ದಿನವೂ ಧರೆಯ ಮಡಿಲನು ಹರಿಸಿ ಜಲವನು ಬರಿದು ಗೊಳಿಸಿರೆ ತರಿದು ವನವನಳಿಸಲು ಪರಿಸರ ಮಳೆಯು ಸುರಿದೀತೆ ಬರಿಯ ಮಾತಲಿ ವನವನುಳಿಸಿರೆ ತಿರಿದು ಬದುಕಲು ಮನವ ಮಾಡುತ ಧರೆಯ ಕಳೆದೊಡೆ ನಮ್ಮ ಪೀಳಿಗೆ ಮುಂದೆ- ಯುಳಿದೀತೆ ವೈ.ಕೊ. ವೈಲೇಶ ಪಿ ಎಸ್ ಕೊಡಗು ೧೩/೪/೨೦೧೯ ಭಾಮಿನಿ ಷಟ್ಪದಿ- ೦೨ ಇಳೆಯ ಕೊಳೆಯನು ತೊಳೆಯಬಾರದೆ ಮಳೆಯ ದೇವನೆ ನೀನು ಕೋಪವ ತಳೆದು ಮಳೆಯನು ಸರಿಸಿ ನಡೆದೊಡೆ ಸಾವು ಬರದೇನು ಅಳಿವ ಜೀವಿಯ ಮೊರೆಯ ಕೇಳದೆ- ಳಳಿಸಿ ಹಾಕಲು ಜೀವ ಸಂತತಿ ನಿಲುವ ತಳೆದುದು ಸರಿಯೆ ವರುಣನೆ ಕರುಣೆಯಿರದೇನು. ವೈ.ಕೊ. ವೈಲೇಶ ಪಿ ಎಸ್ ಕೊಡಗು ಭಾಮಿನಿ ಷಟ್ಪದಿ -೦೩ ಪಡುವಣದ ಹಾದಿ ಹಿಡಿದ ರವಿಯ ತಡೆಯಲಹುದೇ ಎಂದರಿಯದೇ ಮಡಿಲ ತುಂಬಾ ನೀರ ಹನಿಗಳ ಹೀರಿದಿಬ್ಬನಿಯು ಮಡಿಯತೊಡಗಿದ ಜಲದ ವೇಗಕೆ ತಡಿಯುಡುಗಲು ಮರುಗುತ ಮರೆಯದೆ ಗಡಬಡಿಸಿ ಧರೆಗಿಳಿದು ಮಾಯವಿಯಾಗತೊಡಗಿದನೆ *ವೈ.ಕೊ* *ವೈಲೇಶ ಪಿ ಎಸ್ ಕೊಡಗು* *೧೪/೪/೨೦೧೯* ಭಾಮಿನಿ ಷಟ್ಪದಿ-೦೪ ರವಿಯು ಲಘಬಗೆಯಿಂದ ದಿನವೂ ಕವಿದ ಮಂಜನು ತೊಡೆದು ಚಲಿಸುತ ಬುವಿಗೆ ತನುವಿನ ಕಿರಣ ಸೂಸಲು ಮೊದಲು ಗೊಂಡಿಹನು ಸವಿಯ ಕಿರಣಕೆ ಸಕಲ ಜೀವಿಯು ಭವದ ಬದುಕಿನ ದಿನದ ಕಾಯಕ- ದವನ ನಡೆಯನು ಹರುಷದಿಂದಲಿ ಎದುರು ಗೊಂಡಿಹರು ವೈ.ಕೊ. ವೈಲೇಶ ಪಿ ಎಸ್ ಕೊಡಗು ೧೫/೪/೨೦೧೯ ಭಾಮಿನಿ ಷಟ್ಪದಿ-೦೫ ಕೆರೆಯ ನೀರೊಳು ತೇಲಿ ನಲಿದಿರು- ವರಳು ಕಮಲದ ಪಕಳೆ ಮೇಲಣ ಜರಿಯ ಸೊಬಗ...
Read more

ಗಝಲ್ ಎಂದರೇನು

ಗಜಲ್ ಎಂದರೇನು? ಗಜಲ್ ಮೂಲತ: ಅರಬಿ ಶಬ್ದ. ಹೆಂಗಸರೊಡನೆ ಮಾತನಾಡುವುದು, ಸಂಭಾಷಿಸುವುದು, ಪ್ರೇಮ, ಮೋಹ, ಅನುರಾಗ ವ್ಯಕ್ತಪಡಿಸುವುದೆಂದು ಇದರ ಅರ್ಥ. ಗಜಲ್ ಉರ್ದು ಕಾವ್ಯದ ಕೆನೆ, ಘನತೆ, ಗೌರವ, ಪ್ರತಿಷ್ಠೆ. ಅರಬ...
Read more

ನಾ ಕಂಡಂತೆ ಕವಿ ಸಾಹಿತಿಗಳು:- ಡಾಕೇಶ್ ತಾಳಗುಂದ

Image
ನಾ ಕಂಡಂತೆ ಕವಿ ಸಾಹಿತಿಗಳು :- ಡಾಕೇಶ್ ತಾಳಗುಂದ  ಇವರ ಸಂಪೂರ್ಣ ಹೆಸರು:-  ಡಾಕೇಶ್ವರಪ್ಪ.ಆರ್.ಬಿ. ಶಿವಮೊಗ್ಗ ಜಿಲ್ಲೆಯ ಶಿಕಾರಿಪುರ ತಾಲೂಕಿನ ತಾಳಗುಂದ ಗ್ರಾಮದ  ರಾಮಪ್ಪ. ಬಿ. ಹಾಗೂ   ರೇಣುಕಮ್ಮ ದಂಪತಿಯ ಮಗನಾಗಿ ೧೯೭೯ರ ಮಾರ್ಚ್ ೨೨ರ ಗುರುವಾರದಂದು ಜನಿಸಿದ್ದಾರೆ. ಇವರಿಗೆ ಸಹೋದರರಾಗಿ ಯೋಗೇಶ್ವರ, ಧರಣೇಶ್ ಸಹೋದರಿಯಾಗಿ ಭಾಗ್ಯಲಕ್ಷ್ಮೀ ಇದ್ದಾರೆ. ಪ್ರೀತಿಯ ಅತ್ತೆ ಸೋಮಕ್ಕನ ಮಮತೆ ಪ್ರೀತಿಯನ್ನು ತಾಯಿ ರೇಣುಕಮ್ಮನ ಅಕ್ಕರೆಯಂತೆಯೇ ಸಮನಾಗಿ ಉಂಡು ಬೆಳೆದವರು.‌          ಎಂ.ಎ, ಬಿ.ಎಡ್. ಎನ್ ಇ ಟಿ ಪದವಿಗಳನ್ನು ಪಡೆದ ಬಳಿಕ ೦೭.೦೮.೨೦೦೮ ರಿಂದ ಸರಕಾರಿ ಪ್ರೌಢಶಾಲೆ ಮಾಣಿಲ ಮುರುವ ಅಂಚೆ ಬಂಟ್ವಾಳ ತಾಲೂಕ್ ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಪ್ರೌಢಶಾಲಾ ಕನ್ನಡ ಭಾಷಾ ಶಿಕ್ಷಕನಾಗಿ ಸೇವೆ ಪ್ರಾರಂಭಿಸಿದ್ದಾರೆ. ದಿನಾಂಕ ೦೧.೦೪.೨೦೧೫ ರಿಂದ ೧೧.೧೧.೨೦೧೬ರ ವರೆಗೆ ಪ್ರಭಾರ ಮುಖ್ಯಶಿಕ್ಷಕನಾಗಿ ಅದೇ ಶಾಲೆಯಲ್ಲಿ ಬಡ್ತಿ ಪಡೆದು ಸೇವೆ ಮುಂದುವರಿಸಿದ್ದಾರೆ.  ೧೨.೧೧.೨೦೧೬ ರಿಂದ ಸರಕಾರಿ ಪ್ರೌಢಶಾಲೆ ಕುಂಚೂರು ಹಿರೇಕೆರೂರು ತಾಲೂಕು ಹಾವೇರಿ ಜಿಲ್ಲೆ ಹಾಗೂ ಸರಕಾರಿ ಪದವಿ ಪೂರ್ವ ಕಾಲೇಜು ಪ್ರೌಢಶಾಲಾ ವಿಭಾಗ ಸವಳಂಗದಲ್ಲಿ ಪ್ರೌಢಶಾಲಾ ಕನ್ನಡ ಭಾಷಾ ಶಿಕ್ಷಕನಾಗಿ ಪ್ರಸ್ತುತದವರೆಗೂ ಸೇವೆ ಸಲ್ಲಿಸುತ್ತಿದ್ದಾರೆ. ಎಸ್.ಎಸ್‌.ಎಲ್.ಸಿ ಯಲ್ಲಿ...
Read more