ಗಝ಼ಲ್ : ೩೧ (ಮತ್ಲಾನ ಗಝಲ್)

ಗಜಲ್ : ೩೧ (ಮತ್ಲಾನ ಗಝಲ್)
~~~~~~~~~~~~~~~~~
ಮಾನ ಮುಚ್ಚುವ ಬಟ್ಟೆಯನ್ನೇಕೆ ಬಿಚ್ಚಿದಿರೆಂದು ನೀವೇ ಪ್ರಶ್ನಿಸಿಕೊಳ್ಳಿ
ಸತ್ತು ಬಿದ್ದಾಗ ಕಾಲಬೆರಳುಗಳನ್ನೇಕೆ ಕಟ್ಟಿದಿರೆಂದು ನೀವೇ ಪ್ರಶ್ನಿಸಿಕೊಳ್ಳಿ

ಕವಿ : ನಂರುಶಿ ಕುಂಬಾರ ಕಡೂರು.

ಮಾನ ಮುಚ್ಚುವ ಬಟ್ಟೆಯನ್ನೇಕೆ ಬಿಚ್ಚಿದಿರೆಂದು ನೀವೇ ಪ್ರಶ್ನಿಸಿಕೊಳ್ಳಿ
ಸತ್ತು ಬಿದ್ದಾಗ ಕಾಲಬೆರಳುಗಳನ್ನೇಕೆ ಕಟ್ಟಿದಿರೆಂದು ನೀವೇ ಪ್ರಶ್ನಿಸಿಕೊಳ್ಳಿ

ನಮ್ಮ ಇರವು ನಿಮಗೆಷ್ಟು ಹೊರೆಯಾಯಿತೆಂದು ನೀವೇ ಪ್ರಶ್ನಿಸಿಕೊಳ್ಳಿ
ನಿಮ್ಮಿಂದ ನಮಗೇತರ ಉಪಕಾರವಾಯಿತೆಂದು ನೀವೇ  ಪ್ರಶ್ನಿಸಿಕೊಳ್ಳಿ

ಬಡಿದು ತಿನ್ನದೇ ದುಡಿದು ತಿನ್ನುವವರು ನಾವು ಯಾರಲ್ಲೂ ಕೈಚಾಚಲಾರೆವು
ನಿಮಗೇತರ ಕಷ್ಟ ನಮ್ಮ ಪಾಡಿಗೆ ನಾವು ಬದುಕುವುದು ನೀವೇ ಪ್ರಶ್ನಿಸಿಕೊಳ್ಳಿ

ಬದುಕುವ ಹಕ್ಕು ನಮಗೆ ಕೊಟ್ಟವರು ಯಾರೆಂಬ ಅರಿವಿಲ್ಲವಾಯಿತೇಕೆ
ಕೊಲ್ಲುವ ಅಧಿಕಾರ ಅದ್ಹೇಗೆ ನಿಮ್ಮದಾಯಿತೆಂದು ನೀವೇ ಪ್ರಶ್ನಿಸಿಕೊಳ್ಳಿ  

ಕೊಂದ ಪಾಪವ ತಿಂದು ತೀರಿಸೆಂಬುದು ಜೀವಿಗಳ ಆಹಾರ ಸರಪಳಿಯಂತೆ
ತಿನ್ನುವುದಕ್ಕಲ್ಲದೇ ಕೊಂದಿರುವ ಕಾರಣವೇನೆಂದು ನೀವೇ ಪ್ರಶ್ನಿಸಿಕೊಳ್ಳಿ

ಮಾನ ಪ್ರಾಣವು "ಸಿಡಿಲು"ನ ಮೈ ಮನದೊಳಗಿಹುದ ನೀವು ಬಲ್ಲಿರೇನು
ಅರಿಯದೇ ಜಾರಿಬಿದ್ದಾಗ ಆಳಿಗೊಂದು ಕಲ್ಲೇಕೆಂದು ನೀವೇ ಪ್ರಶ್ನಿಸಿಕೊಳ್ಳಿ

ವೈಲೇಶ ಪಿ ಯೆಸ್ ಕೊಡಗು
೨೧/೫/೨೦೧೮

Comments

Post a Comment

Popular posts from this blog

ಭಾಮಿನೀ ಷಟ್ಪದಿ

ಭಾಮಿನಿ ಷಟ್ಪದಿ ೦೧ ಕೊರೆದು ದಿನವೂ ಧರೆಯ ಮಡಿಲನು ಹರಿಸಿ ಜಲವನು ಬರಿದು ಗೊಳಿಸಿರೆ ತರಿದು ವನವನಳಿಸಲು ಪರಿಸರ ಮಳೆಯು ಸುರಿದೀತೆ ಬರಿಯ ಮಾತಲಿ ವನವನುಳಿಸಿರೆ ತಿರಿದು ಬದುಕಲು ಮನವ ಮಾಡುತ ಧರೆಯ ಕಳೆದೊಡೆ ನಮ್ಮ ಪೀಳಿಗೆ ಮುಂದೆ- ಯುಳಿದೀತೆ ವೈ.ಕೊ. ವೈಲೇಶ ಪಿ ಎಸ್ ಕೊಡಗು ೧೩/೪/೨೦೧೯ ಭಾಮಿನಿ ಷಟ್ಪದಿ- ೦೨ ಇಳೆಯ ಕೊಳೆಯನು ತೊಳೆಯಬಾರದೆ ಮಳೆಯ ದೇವನೆ ನೀನು ಕೋಪವ ತಳೆದು ಮಳೆಯನು ಸರಿಸಿ ನಡೆದೊಡೆ ಸಾವು ಬರದೇನು ಅಳಿವ ಜೀವಿಯ ಮೊರೆಯ ಕೇಳದೆ- ಳಳಿಸಿ ಹಾಕಲು ಜೀವ ಸಂತತಿ ನಿಲುವ ತಳೆದುದು ಸರಿಯೆ ವರುಣನೆ ಕರುಣೆಯಿರದೇನು. ವೈ.ಕೊ. ವೈಲೇಶ ಪಿ ಎಸ್ ಕೊಡಗು ಭಾಮಿನಿ ಷಟ್ಪದಿ -೦೩ ಪಡುವಣದ ಹಾದಿ ಹಿಡಿದ ರವಿಯ ತಡೆಯಲಹುದೇ ಎಂದರಿಯದೇ ಮಡಿಲ ತುಂಬಾ ನೀರ ಹನಿಗಳ ಹೀರಿದಿಬ್ಬನಿಯು ಮಡಿಯತೊಡಗಿದ ಜಲದ ವೇಗಕೆ ತಡಿಯುಡುಗಲು ಮರುಗುತ ಮರೆಯದೆ ಗಡಬಡಿಸಿ ಧರೆಗಿಳಿದು ಮಾಯವಿಯಾಗತೊಡಗಿದನೆ *ವೈ.ಕೊ* *ವೈಲೇಶ ಪಿ ಎಸ್ ಕೊಡಗು* *೧೪/೪/೨೦೧೯* ಭಾಮಿನಿ ಷಟ್ಪದಿ-೦೪ ರವಿಯು ಲಘಬಗೆಯಿಂದ ದಿನವೂ ಕವಿದ ಮಂಜನು ತೊಡೆದು ಚಲಿಸುತ ಬುವಿಗೆ ತನುವಿನ ಕಿರಣ ಸೂಸಲು ಮೊದಲು ಗೊಂಡಿಹನು ಸವಿಯ ಕಿರಣಕೆ ಸಕಲ ಜೀವಿಯು ಭವದ ಬದುಕಿನ ದಿನದ ಕಾಯಕ- ದವನ ನಡೆಯನು ಹರುಷದಿಂದಲಿ ಎದುರು ಗೊಂಡಿಹರು ವೈ.ಕೊ. ವೈಲೇಶ ಪಿ ಎಸ್ ಕೊಡಗು ೧೫/೪/೨೦೧೯ ಭಾಮಿನಿ ಷಟ್ಪದಿ-೦೫ ಕೆರೆಯ ನೀರೊಳು ತೇಲಿ ನಲಿದಿರು- ವರಳು ಕಮಲದ ಪಕಳೆ ಮೇಲಣ ಜರಿಯ ಸೊಬಗ...
Read more

ಗಝಲ್ ಎಂದರೇನು

ಗಜಲ್ ಎಂದರೇನು? ಗಜಲ್ ಮೂಲತ: ಅರಬಿ ಶಬ್ದ. ಹೆಂಗಸರೊಡನೆ ಮಾತನಾಡುವುದು, ಸಂಭಾಷಿಸುವುದು, ಪ್ರೇಮ, ಮೋಹ, ಅನುರಾಗ ವ್ಯಕ್ತಪಡಿಸುವುದೆಂದು ಇದರ ಅರ್ಥ. ಗಜಲ್ ಉರ್ದು ಕಾವ್ಯದ ಕೆನೆ, ಘನತೆ, ಗೌರವ, ಪ್ರತಿಷ್ಠೆ. ಅರಬ...
Read more

ನಾ ಕಂಡಂತೆ ಕವಿ ಸಾಹಿತಿಗಳು:- ಡಾಕೇಶ್ ತಾಳಗುಂದ

Image
ನಾ ಕಂಡಂತೆ ಕವಿ ಸಾಹಿತಿಗಳು :- ಡಾಕೇಶ್ ತಾಳಗುಂದ  ಇವರ ಸಂಪೂರ್ಣ ಹೆಸರು:-  ಡಾಕೇಶ್ವರಪ್ಪ.ಆರ್.ಬಿ. ಶಿವಮೊಗ್ಗ ಜಿಲ್ಲೆಯ ಶಿಕಾರಿಪುರ ತಾಲೂಕಿನ ತಾಳಗುಂದ ಗ್ರಾಮದ  ರಾಮಪ್ಪ. ಬಿ. ಹಾಗೂ   ರೇಣುಕಮ್ಮ ದಂಪತಿಯ ಮಗನಾಗಿ ೧೯೭೯ರ ಮಾರ್ಚ್ ೨೨ರ ಗುರುವಾರದಂದು ಜನಿಸಿದ್ದಾರೆ. ಇವರಿಗೆ ಸಹೋದರರಾಗಿ ಯೋಗೇಶ್ವರ, ಧರಣೇಶ್ ಸಹೋದರಿಯಾಗಿ ಭಾಗ್ಯಲಕ್ಷ್ಮೀ ಇದ್ದಾರೆ. ಪ್ರೀತಿಯ ಅತ್ತೆ ಸೋಮಕ್ಕನ ಮಮತೆ ಪ್ರೀತಿಯನ್ನು ತಾಯಿ ರೇಣುಕಮ್ಮನ ಅಕ್ಕರೆಯಂತೆಯೇ ಸಮನಾಗಿ ಉಂಡು ಬೆಳೆದವರು.‌          ಎಂ.ಎ, ಬಿ.ಎಡ್. ಎನ್ ಇ ಟಿ ಪದವಿಗಳನ್ನು ಪಡೆದ ಬಳಿಕ ೦೭.೦೮.೨೦೦೮ ರಿಂದ ಸರಕಾರಿ ಪ್ರೌಢಶಾಲೆ ಮಾಣಿಲ ಮುರುವ ಅಂಚೆ ಬಂಟ್ವಾಳ ತಾಲೂಕ್ ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಪ್ರೌಢಶಾಲಾ ಕನ್ನಡ ಭಾಷಾ ಶಿಕ್ಷಕನಾಗಿ ಸೇವೆ ಪ್ರಾರಂಭಿಸಿದ್ದಾರೆ. ದಿನಾಂಕ ೦೧.೦೪.೨೦೧೫ ರಿಂದ ೧೧.೧೧.೨೦೧೬ರ ವರೆಗೆ ಪ್ರಭಾರ ಮುಖ್ಯಶಿಕ್ಷಕನಾಗಿ ಅದೇ ಶಾಲೆಯಲ್ಲಿ ಬಡ್ತಿ ಪಡೆದು ಸೇವೆ ಮುಂದುವರಿಸಿದ್ದಾರೆ.  ೧೨.೧೧.೨೦೧೬ ರಿಂದ ಸರಕಾರಿ ಪ್ರೌಢಶಾಲೆ ಕುಂಚೂರು ಹಿರೇಕೆರೂರು ತಾಲೂಕು ಹಾವೇರಿ ಜಿಲ್ಲೆ ಹಾಗೂ ಸರಕಾರಿ ಪದವಿ ಪೂರ್ವ ಕಾಲೇಜು ಪ್ರೌಢಶಾಲಾ ವಿಭಾಗ ಸವಳಂಗದಲ್ಲಿ ಪ್ರೌಢಶಾಲಾ ಕನ್ನಡ ಭಾಷಾ ಶಿಕ್ಷಕನಾಗಿ ಪ್ರಸ್ತುತದವರೆಗೂ ಸೇವೆ ಸಲ್ಲಿಸುತ್ತಿದ್ದಾರೆ. ಎಸ್.ಎಸ್‌.ಎಲ್.ಸಿ ಯಲ್ಲಿ...
Read more