ಸುತ್ತಲಿರುವವರ ಘನ ಚಿತ್ತವನು ಸೆಳೆಯುತಲಿ
ಮತ್ತಿನೊಳು ಸಿಲುಕಿಸುವ ಯತ್ನವೇಕೆ|
ಮುತ್ತಿನಿರವನರಿಯದೆ ಹತ್ತರೊಳಗೊಂದಾಗಿ
ಸತ್ತುಹೋಗದಿರಿಯೆಂಬ ಬೊಮ್ಮಲಿಂಗ|೧೫೧||
ಸುತ್ತಲಿರುವವರ ಘನ
ಚಿತ್ತವನು ಸೆಳೆಯುತಲಿ
ಮತ್ತಿನೊಳು ಸಿಲುಕಿಸುವ ಯತ್ನವೇಕೆ|
ಮುತ್ತಿನಿರವನರಿಯದೆ
ಹತ್ತರೊಳಗೊಂದಾಗಿ
ಸತ್ತುಹೋಗದಿರಿಯೆಂಬ ಬೊಮ್ಮಲಿಂಗ|೧೫೧||
ಹುಟ್ಟಿದರು ಕೆಟ್ಟವರ ಮೆಟ್ಟಿ ಮುರಿಯಲು ಬಲ್ಲ
ಜಟ್ಟಿಯಂದದಿ ನಿಂದ ರಾಷ್ಟ್ರಬಂಧು|
ಸೊಟ್ಟಮನಗಳಿಗಿಂದು ತಟ್ಟದಂತಿಹುದವರ
ದಿಟ್ಟನುಡಿಗಳು ಕಾಣ ಬೊಮ್ಮಲಿಂಗ||೧೫೨|
ಹುಟ್ಟಿದರು ಕೆಟ್ಟವರ
ಮೆಟ್ಟಿ ಮುರಿಯಲು ಬಲ್ಲ
ಜಟ್ಟಿಯಂದದಿ ನಿಂದ ರಾಷ್ಟ್ರಬಂಧು|
ಸೊಟ್ಟಮನಗಳಿಗಿಂದು
ತಟ್ಟದಂತಿಹುದವರ
ದಿಟ್ಟನುಡಿಗಳು ಕಾಣ ಬೊಮ್ಮಲಿಂಗ||೧೫೨|
ಕಟ್ಟಿ ಬೆಳೆಸುತ ದೇಶ ಮುಟ್ಟಿ ಜನಗಳ ಮನವ
ಮಟ್ಟಿಯೊಳು ಸೇರಿದರು ದೀನ ಬಂದು|
ಹುಟ್ಟದಿರಿ ಕಂದಗಳೆ ಮೆಟ್ಟುವರೆ ಕಾದಿಹರು
ದಿಟ್ಟತನ ತೋರುವರ ಬೊಮ್ಮಲಿಂಗ||೧೫೩||
ಕಟ್ಟಿ ಬೆಳೆಸುತ ದೇಶ
ಮುಟ್ಟಿ ಜನಗಳ ಮನವ
ಮಟ್ಟಿಯೊಳು ಸೇರಿದರು ದೀನ ಬಂದು|
ಹುಟ್ಟದಿರಿ ಕಂದಗಳೆ
ಮೆಟ್ಟುವರೆ ಕಾದಿಹರು
ದಿಟ್ಟತನ ತೋರುವರ ಬೊಮ್ಮಲಿಂಗ||೧೫೩||
ಮಲ ಮೇವ ಬಯಕೆಯಲಿ ಹೊಲಸು ನುಡಿಯುವ ಬಾಯಿ
ಕೊಳಕು ಕಿಡಿಗೇಡಿಗಳ ನಿತ್ಯ ಭಕ್ಷ್ಯ|
ಕೊಳೆತು ನಾರುವ ಕೆರೆಗೆ ಹೊಳೆನೀರ ಕಾಣುತಿರೆ
ತಳವದೋ ಸೀಯುತಿದೆ ಬೊಮ್ಮಲಿಂಗ||೧೫೪||
ಮಲ ಮೇವ ಬಯಕೆಯಲಿ
ಹೊಲಸು ನುಡಿಯುವ ಬಾಯಿ
ಕೊಳಕು ಕಿಡಿಗೇಡಿಗಳ ನಿತ್ಯ ಭಕ್ಷ್ಯ|
ಕೊಳೆತು ನಾರುವ ಕೆರೆಗೆ
ಹೊಳೆನೀರ ಕಾಣುತಿರೆ
ತಳವದೋ ಸೀಯುತಿದೆ ಬೊಮ್ಮಲಿಂಗ||೧೫೪||
ಉಂಡಿರುವ ತಟ್ಟೆಯೊಳು ತುಂಡುಗಳು ಮುಗಿದಿರಲು
ಚಂಡಿಯನು ತೆಗೆಯುವದು ನಾಯಿ ಬುದ್ಧಿ|
ಅಂಡಿನಲಿ ಬೆಂಕಿಯನು ಚೆಂಡುಗಾತ್ರದೊಳಿಟ್ಟು
ಕಂಡಲ್ಲಿ ಬೊಗಳುವುದು ಬೊಮ್ಮಲಿಂಗ.||೧೫೫||
ಉಂಡಿರುವ ತಟ್ಟೆಯೊಳು
ತುಂಡುಗಳು ಮುಗಿದಿರಲು
ಚಂಡಿಯನು ತೆಗೆಯುವದು ನಾಯಿ ಬುದ್ಧಿ|
ಅಂಡಿನಲಿ ಬೆಂಕಿಯನು
ಚೆಂಡುಗಾತ್ರದೊಳಿಟ್ಟು
ಕಂಡಲ್ಲಿ ಬೊಗಳುವುದು ಬೊಮ್ಮಲಿಂಗ.||೧೫೫||
ಕೊಡಗು ಜಿಲ್ಲೆಯಲೊಂದು ಮಡಿಕೇರಿ ನಗರದಲಿ
ನಡೆದಿಹುದು ಮುಕ್ತಕದ ಕಾವ್ಯಗೋಷ್ಠಿ
ಅಡಗಿರುವ ಪದಗಳಲಿ ಬೆಡಗು ತುಂಬಿದ ರಚನೆ
ಕೊಡುಗೆಯಿದು ಕವಿಗಳಿಗೆ ಬೊಮ್ಮಲಿಂಗ||೧೫೬||
ಕೊಡಗು ಜಿಲ್ಲೆಯಲೊಂದು
ಮಡಿಕೇರಿ ನಗರದಲಿ
ನಡೆದಿಹುದು ಮುಕ್ತಕದ ಕಾವ್ಯಗೋಷ್ಠಿ
ಅಡಗಿರುವ ಪದಗಳಲಿ
ಬೆಡಗು ತುಂಬಿದ ರಚನೆ
ಕೊಡುಗೆಯಿದು ಕವಿಗಳಿಗೆ ಬೊಮ್ಮಲಿಂಗ||೧೫೬||
ಯೋಗಿಗಳ ರೂಪದಲಿ ಜೋಗಿಗಳು ತಾವಾಗಿ
ರೋಗವನು ಹರಡುವುದು ತರವೆ ನಿಮಗೆ|
ಭೋಗವನು ಕೈಗೊಂಡ ಗೂಗೆಗಳು ಜಗದಲಿ ವಿ
ರಾಗಿಗಳ ವೇಷದೊಳು ಬೊಮ್ಮಲಿಂಗ||೧೫೭||
ಯೋಗಿಗಳ ರೂಪದಲಿ
ಜೋಗಿಗಳು ತಾವಾಗಿ
ರೋಗವನು ಹರಡುವುದು ತರವೆ ನಿಮಗೆ|
ಭೋಗವನು ಕೈಗೊಂಡ
ಗೂಗೆಗಳು ಜಗದಲಿ ವಿ
ರಾಗಿಗಳ ವೇಷದೊಳು ಬೊಮ್ಮಲಿಂಗ||೧೫೭||
ಮುಕ್ತಕದ ವಿಷಯಗಳ ಮುಕ್ತ ಮನಸಿಗೆ ತಂದು
ಶಕ್ತವಾಗಿಯೆ ಕಲಿತು ಬರೆಯುತಿಹೆವು
ಯುಕ್ತ ಪದಗಳ ಬಳಸಿ ಶಕ್ತಿ ತುಂಬಿದ ಕಾವ್ಯ
ಯುಕ್ತಿ ತಂದಿವೆ ನೋಡಿ ಬೊಮ್ಮಲಿಂಗ||೧೫೮||
ಮುಕ್ತಕದ ವಿಷಯಗಳ
ಮುಕ್ತ ಮನಸಿಗೆ ತಂದು
ಶಕ್ತವಾಗಿಯೆ ಕಲಿತು ಬರೆಯುತಿಹೆವು
ಯುಕ್ತ ಪದಗಳ ಬಳಸಿ
ಶಕ್ತಿ ತುಂಬಿದ ಕಾವ್ಯ
ಯುಕ್ತಿ ತಂದಿವೆ ನೋಡಿ ಬೊಮ್ಮಲಿಂಗ||೧೫೮||
ದುಃಖವನು ಮರೆಯುವರೆ
ದುಃಖವನೆ ಮೆರೆಸುತಲಿ ದುಃಖವನೆ ಹಾಸುಡತ ಮಲಗಲೇಕೆ|
ದುಃಖಿಸಲು ಮಿತಿಮೀರಿ ದುಃಖವದು ನಮ್ಮನ್ನು
ದುಃಖದಲೆ ಮುಳುಗಿಪುದು ಬೊಮ್ಮಲಿಂಗ ||೧೫೯||
ದುಃಖವನು ಮರೆಯುವರೆ
ದುಃಖವನೆ ಮೆರೆಸುತಲಿ
ದುಃಖವನೆ ಹಾಸುಡತ ಮಲಗಲೇಕೆ|
ದುಃಖಿಸಲು ಮಿತಿಮೀರಿ
ದುಃಖವದು ನಮ್ಮನ್ನು
ದುಃಖದಲೆ ಮುಳುಗಿಪುದು ಬೊಮ್ಮಲಿಂಗ ||೧೫೯||
ಅಂತಃಕರಣ ರೂಪ ಅಂತಃಕೃತದೊಳಿರಲು
ಅಂತಃಪುರವದು ಸೊಗಸಾದ ಕವನ|
ಅಂತಃಕಲಹವಿಂದು ಅಂತಃಪಟದ ತೆರದಿರೆ
ಅಂತಃಶಕ್ತಿಯಿಹುದೆ ಬೊಮ್ಮಲಿಂಗ||೧೬೦||
ಅಂತಃಕರಣ ರೂಪ
ಅಂತಃಕೃತದೊಳಿರಲು
ಅಂತಃಪುರವದು ಸೊಗಸಾದ ಕವನ|
ಅಂತಃಕಲಹವಿಂದು
ಅಂತಃಪಟದ ತೆರದಿರೆ
ಅಂತಃಶಕ್ತಿಯಿಹುದೆ ಬೊಮ್ಮಲಿಂಗ||೧೬೦||
ಭಿಕ್ಷೆಯನು ಬೇಡುವಳ ರಕ್ಷಿಸಿದೆ ನಾನೆಂದು
ಕಕ್ಷೆಯೊಳಗಿರಿಸುವುದು ತರವೆ ನಮಗೆ|
ಶಿಕ್ಷಿಸಲು ಮೇಲೊಬ್ಬ ಶಿಕ್ಷಕನು ಕುಳಿತಿಹನು
ಶಿಕ್ಷಣವ ನೀಡುವರೆ ಬೊಮ್ಮಲಿಂಗ||೧೬೧||
ಭಿಕ್ಷೆಯನು ಬೇಡುವಳ
ರಕ್ಷಿಸಿದೆ ನಾನೆಂದು
ಕಕ್ಷೆಯೊಳಗಿರಿಸುವುದು ತರವೆ ನಮಗೆ|
ಶಿಕ್ಷಿಸಲು ಮೇಲೊಬ್ಬ
ಶಿಕ್ಷಕನು ಕುಳಿತಿಹನು
ಶಿಕ್ಷಣವ ನೀಡುವರೆ ಬೊಮ್ಮಲಿಂಗ||೧೬೧||
ರಕ್ಷೆಯನು ಬೇಡುವರ ಶಿಕ್ಷಿಸುವ ಪರಿಯೇಕೆ
ರಕ್ಷಕರು ನಾವಾಗಿ ಮೆರೆಯಬೇಕು|
ಭಕ್ಷಕರ ಸೆದೆಬಡಿದು ರಕ್ಷಣೆಯ ನೀಡಿದೊಡೆ
ಲಕ್ಷ ಹೊನ್ನಿಗೆ ಸಮವು ಬೊಮ್ಮಲಿಂಗ||೧೬೨||
ರಕ್ಷೆಯನು ಬೇಡುವರ
ಶಿಕ್ಷಿಸುವ ಪರಿಯೇಕೆ
ರಕ್ಷಕರು ನಾವಾಗಿ ಮೆರೆಯಬೇಕು|
ಭಕ್ಷಕರ ಸೆದೆಬಡಿದು
ರಕ್ಷಣೆಯ ನೀಡಿದೊಡೆ
ಲಕ್ಷ ಹೊನ್ನಿಗೆ ಸಮವು ಬೊಮ್ಮಲಿಂಗ||೧೬೨||
ಅಂದದಲಿ ಸಮವುಂಟೆ ಚೆಂದುಳ್ಳಿ ಚೆಲುವೆಯೇ
ಚಂದಿರನು ಸುತ್ತುತಿಹ ಸುಮ್ಮನಿರದೆ|
ಸಂದಿಗೊಂದಿಗಳಲಿಯು ನಿಂದಂದ ಸವಿಯುವರು
ಸಂದು ಸಿಕ್ಕರೆ ಸಾಕು ಬೊಮ್ಮಲಿಂಗ||೧೬೩||
ಅಂದದಲಿ ಸಮವುಂಟೆ
ಚೆಂದುಳ್ಳಿ ಚೆಲುವೆಯೇ
ಚಂದಿರನು ಸುತ್ತುತಿಹ ಸುಮ್ಮನಿರದೆ|
ಸಂದಿಗೊಂದಿಗಳಲಿಯು
ನಿಂದಂದ ಸವಿಯುವರು
ಸಂದು ಸಿಕ್ಕರೆ ಸಾಕು ಬೊಮ್ಮಲಿಂಗ||೧೬೩||
ನಿನ್ನೊಳಗ ಕೂಸಿವರು ನಿನ್ನೊಲವ ಮೆದ್ದಿಹರು
ನಿನ್ನೊಡಲ ಸಿಗಿಯಲದೊ ಕಾಯುತಿಹರು |
ನನ್ನಮ್ಮನೆನ್ನುವುದ ಸಣ್ಣಗೂ ನೆನೆಯದೆಲೆ
ಚೆನ್ನುಡುಗೆಯಿರಗೊಡರು ಬೊಮ್ಮಲಿಂಗ||೧೬೪||
ನಿನ್ನೊಳಗ ಕೂಸಿವರು
ನಿನ್ನೊಲವ ಮೆದ್ದಿಹರು
ನಿನ್ನೊಡಲ ಸಿಗಿಯಲದೊ ಕಾಯುತಿಹರು |
ನನ್ನಮ್ಮನೆನ್ನುವುದ
ಸಣ್ಣಗೂ ನೆನೆಯದೆಲೆ
ಚೆನ್ನುಡುಗೆಯಿರಗೊಡರು ಬೊಮ್ಮಲಿಂಗ||೧೬೪||
ಮಣ್ಣಿನಲಿ ಹುದುಗಿದ್ದ ಹೊನ್ನನ್ನು ಮುಗಿಸಿಹರು
ಕನ್ನ ಹಾಕುತ ಬೆಟ್ಟ ಗುಡ್ಡ ಮುಗಿಸಿ|
ಹಣ್ಣುಗಳ ನೀಯುತಿಹ ಬೆನ್ನೆಲುಬು ಮರಗಿಡವ
ಯಿನ್ನಿಲ್ಲದಾಗಿಸಲು ಬೊಮ್ಮಲಿಂಗ||೧೬೫||
ಮಣ್ಣಿನಲಿ ಹುದುಗಿದ್ದ
ಹೊನ್ನನ್ನು ಮುಗಿಸಿಹರು
ಕನ್ನ ಹಾಕುತ ಬೆಟ್ಟ ಗುಡ್ಡ ಮುಗಿಸಿ|
ಹಣ್ಣುಗಳ ನೀಯುತಿಹ
ಬೆನ್ನೆಲುಬು ಮರಗಿಡವ
ಯಿನ್ನಿಲ್ಲದಾಗಿಸಲು ಬೊಮ್ಮಲಿಂಗ||೧೬೫||
ಅಕ್ಕಿಯನು ನೀಡುತಲಿ ಮಕ್ಕಳನು ಸಲಹುತಿರೆ
ಸೊಕ್ಕಿನಿಂ ಕುಕ್ಕುವರು ಕಾಣದೇನು|
ಕಕ್ಕುಲತೆ ತೋರುತಿರೆ ಕಕ್ಕುವುದೆ ವಿಷವನ್ನು
ಬಿಕ್ಕುತಲೆ ನೀನುಳಿಸೆ ಬೊಮ್ಮಲಿಂಗ|| ೧೬೬||
ಅಕ್ಕಿಯನು ನೀಡುತಲಿ
ಮಕ್ಕಳನು ಸಲಹುತಿರೆ
ಸೊಕ್ಕಿನಿಂ ಕುಕ್ಕುವರು ಕಾಣದೇನು|
ಕಕ್ಕುಲತೆ ತೋರುತಿರೆ
ಕಕ್ಕುವುದೆ ವಿಷವನ್ನು
ಬಿಕ್ಕುತಲೆ ನೀನುಳಿಸೆ ಬೊಮ್ಮಲಿಂಗ|| ೧೬೬||
ಒದ್ದು ನಿಂದವರಿಂದು ಬಿದ್ದು ನಿಂದವರೆಲ್ಲ
ಸುದ್ದಿಯಾದವರಲ್ಲ ನೆಪವು ಮಾತ್ರ|
ಗೆದ್ದೆ ನಾನೆಂದವರು ಗುದ್ದಿಗಿದೊ ಸೋತರೂ
ಗುದ್ದದಲಿ ಗದ್ದಿಗೆಯು ಬೊಮ್ಮಲಿಂಗ||೧೬೭||
ಒದ್ದು ನಿಂದವರಿಂದು
ಬಿದ್ದು ನಿಂದವರೆಲ್ಲ
ಸುದ್ದಿಯಾದವರಲ್ಲ ನೆಪವು ಮಾತ್ರ|
ಗೆದ್ದೆ ನಾನೆಂದವರು
ಗುದ್ದಿಗಿದೊ ಸೋತರೂ
ಗುದ್ದದಲಿ ಗದ್ದಿಗೆಯು ಬೊಮ್ಮಲಿಂಗ||೧೬೭||
ಎಷ್ಟು ದೂರುವವರಿರೆ ನಷ್ಟವಾದರು ಸರಿಯೆ
ಕಷ್ಟದೊಳಿರುವವರನು ಪೊರೆವೆಯಂತೆ|
ಇಷ್ಟದಾ ಕೂಸುಗಳಿಗಷ್ಟ ಸುಖವನು ನೀಡಿ
ಶಿಷ್ಟತನ ನೀಡುರುವೆ ಬೊಮ್ಮಲಿಂಗ||೧೬೮||
ಎಷ್ಟು ದೂರುವವರಿರೆ
ನಷ್ಟವಾದರು ಸರಿಯೆ
ಕಷ್ಟದೊಳಿರುವವರನು ಪೊರೆವೆಯಂತೆ|
ಇಷ್ಟದಾ ಕೂಸುಗಳಿ-
ಗಷ್ಟ ಸುಖವನು ನೀಡಿ
ಶಿಷ್ಟತನ ನೀಡಿರುವೆ ಬೊಮ್ಮಲಿಂಗ||೧೬೮||
ಪ್ರೀತಿ ತುಂಬಿರಬೇಕು ಭೀತಿ ತೂರದ ಹಾಗೆ
ನೀತಿಯನು ಮರೆತಿರಲು ಬದುಕಲಹುದೆ|
ಪಾತೆಯಂತೀ ಬದುಕು ಗಾಥೆಯೊಳು ಬಂಧಿಸಿರಿ
ಮಾತೆಯಂತೆಲ್ಲರನು ಬೊಮ್ಮಲಿಂಗ||೧೬೯||
ಪ್ರೀತಿ ತುಂಬಿರಬೇಕು
ಭೀತಿ ತೂರದ ಹಾಗೆ
ನೀತಿಯನು ಮರೆತಿರಲು ಬದುಕಲಹುದೆ|
ಪಾತೆಯಂತೀ ಬದುಕು
ಗಾಥೆಯೊಳು ಬಂಧಿಸಿರಿ
ಮಾತೆಯಂತೆಲ್ಲರನು ಬೊಮ್ಮಲಿಂಗ||೧೬೯||
ಸಹನೆಯನು ಮೀರಿದರೆ ಮಹನೀಯ ಮರುಗುವನು
ತಹಬದಿಗೆ ಕೋಪವನು ತಂದುಕೊಳ್ಳಿ|
ಅಹಮಿಕೆಯ ಕಾರಣಕೆ ಮಹಿಯೊಳಗೆ ಬಹುತೇಕ
ದಹಿಸಿಕೊಳುತಿರುವ ನರ ಬೊಮ್ಮಲಿಂಗ||೧೭೦||
ಸಹನೆಯನು ಮೀರಿದರೆ
ಮಹನೀಯ ಮರುಗುವನು
ತಹಬದಿಗೆ ಕೋಪವನು ತಂದುಕೊಳ್ಳಿ|
ಅಹಮಿಕೆಯ ಕಾರಣಕೆ
ಮಹಿಯೊಳಗೆ ಬಹುತೇಕ
ದಹಿಸಿಕೊಳುತಿರುವ ನರ ಬೊಮ್ಮಲಿಂಗ||೧೭೦||
ದಯೆಯಿರಲಿ ಜೀವಿಗಳೆ ಭಯಪಡಿಸಿ ಬದುಕದಿರಿ
ಜಯವಿಲ್ಲಿ ನಿಮಗಾಗಿ ಕಾಯುತಿಹುದು|
ಕ್ಷಯಗೊಳ್ಳುವಾ ಬದುಕು ಜಯಶಾಲಿ ನೀವಾಗೆ
ಜಯಮುಖಿಯ ಹುಡುಕುತಿರಿ ಬೊಮ್ಮಲಿಂಗ||೧೭೧||
ದಯೆಯಿರಲಿ ಜೀವಿಗಳೆ
ಭಯಪಡಿಸಿ ಬದುಕದಿರಿ
ಜಯವಿಲ್ಲಿ ನಿಮಗಾಗಿ ಕಾಯುತಿಹುದು|
ಕ್ಷಯಗೊಳ್ಳುವಾ ಬದುಕು
ಜಯಶಾಲಿ ನೀವಾಗೆ
ಜಯಮುಖಿಯ ಹುಡುಕುತಿರಿ ಬೊಮ್ಮಲಿಂಗ||೧೭೧||
ಅಧಿಕಾರವಿದ್ದಾಗ ಮದವನ್ನು ತೋರದೆಲೆ
ಹದದಿಂದ ಬಾಳಿದರೆ ಬದುಕು ಹಸನು|
ಹದಿಹರೆಯ ಬಂದಾಗ ನದಿಯಂತೆ ತೆವಳುತಲಿ
ಪದಗಳಿಗೆ ಸಿಗುತಲಿರಿ ಬೊಮ್ಮಲಿಂಗ||೧೭೨||
ಅಧಿಕಾರವಿದ್ದಾಗ
ಮದವನ್ನು ತೋರದೆಲೆ
ಹದದಿಂದ ಬಾಳಿದರೆ ಬದುಕು ಹಸನು|
ಹದಿಹರೆಯ ಬಂದಾಗ
ನದಿಯಂತೆ ತೆವಳುತಲಿ
ಪದಗಳಿಗೆ ಸಿಗುತಲಿರಿ ಬೊಮ್ಮಲಿಂಗ||೧೭೨||
ಗೆಲುವು ನಮಗಾಗುವರೆ ಹಲ ಬಗೆಯ ಕಷ್ಟಗಳ
ಸಲಗವನು ಸಹಿಸುತಲಿ ಬಾಳಬೇಕು|
ಒಲವಿತ್ತು ಬದುಕಿನಲಿ ಬಲವಿತ್ತು ತುತ್ತಿನಲಿ
ನೆಲಕೆ ನೀಡಿರೆ ಮಾತೆ ಬೊಮ್ಮಲಿಂಗ||೧೭೩||
ಗೆಲುವು ನಮಗಾಗುವರೆ
ಹಲ ಬಗೆಯ ಕಷ್ಟಗಳ
ಸಲಗವನು ಸಹಿಸುತಲಿ ಬಾಳಬೇಕು|
ಒಲವಿತ್ತು ಬದುಕಿನಲಿ
ಬಲವಿತ್ತು ತುತ್ತಿನಲಿ
ನೆಲಕೆ ನೀಡಿರೆ ಮಾತೆ ಬೊಮ್ಮಲಿಂಗ||೧೭೩||
ಅನುಕಂಪ ಬೇಕಿಲ್ಲ ಧನ ಧಾನ್ಯ ಕೇಳಿಲ್ಲ
ಜನರ ನಡುವಲಿ ನಮ್ಮ ಬದುಕಗೊಡಿರಿ|
ತನುವಿನಲಿ ಕೊರತೆಯಿರೆ ಮನದೊಳಗೆ ಮೊರೆತವಿದೆ
ಹನಿಗಣ್ಣು ಮಾಡದಿರಿ ಬೊಮ್ಮಲಿಂಗ||೧೭೪||
ಅನುಕಂಪ ಬೇಕಿಲ್ಲ
ಧನ ಧಾನ್ಯ ಕೇಳಿಲ್ಲ
ಜನರ ನಡುವಲಿ ನಮ್ಮ ಬದುಕಗೊಡಿರಿ|
ತನುವಿನಲಿ ಕೊರತೆಯಿರೆ
ಮನದೊಳಗೆ ಮೊರೆತವಿದೆ
ಹನಿಗಣ್ಣು ಮಾಡದಿರಿ ಬೊಮ್ಮಲಿಂಗ||೧೭೪||
ಮೇಲೆ ಮಳೆ ಬರುವುದನು ಮೇಳದಂತೆಯೆ ನೋಡಿ
ಬೇಳೆ ಬೇಯದೆನುತಲಿ ಬಡವನಿದ್ದ|
ಕೇಳಿದರು ಬಾರದೆಲೆ ಹೇಳದೇ ಮಳೆ ಸುರಿದು
ಗೇಲಿ ಮಾಡಿತು ಕಾಣ ಬೊಮ್ಮಲಿಂಗ||೧೭೫||
ಮೇಲೆ ಮಳೆ ಬರುವುದನು
ಮೇಳದಂತೆಯೆ ನೋಡಿ
ಬೇಳೆ ಬೇಯದೆನುತಲಿ ಬಡವನಿದ್ದ|
ಕೇಳಿದರು ಬಾರದೆಲೆ
ಹೇಳದೇ ಮಳೆ ಸುರಿದು
ಗೇಲಿ ಮಾಡಿತು ಕಾಣ ಬೊಮ್ಮಲಿಂಗ||೧೭೫||
ಹಾಳಾದ ಮಳೆಸುರಿಯೆ ಬಾಳೆಲ್ಲ ಬರಡಾಯ್ತು
ಗೋಳುಗಳ ಕೇಳುವವರಾರದಿಲ್ಲ |
ಪಾಳಾದ ಹೊಲಗಳನು ಪಾಲುದಾರಿಕೆ ಪಡೆದು
ಸೋಲುಗಳ ಕಂಡಿಹೆವು ಬೊಮ್ಮಲಿಂಗ||೧೭೬||
ಹಾಳಾದ ಮಳೆಸುರಿಯೆ
ಬಾಳೆಲ್ಲ ಬರಡಾಯ್ತು
ಗೋಳುಗಳ ಕೇಳುವವರಾರದಿಲ್ಲ |
ಪಾಳಾದ ಹೊಲಗಳನು
ಪಾಲುದಾರಿಕೆ ಪಡೆದು
ಸೋಲುಗಳ ಕಂಡಿಹೆವು ಬೊಮ್ಮಲಿಂಗ||೧೭೬||
ಕೋಟಿ ಕೋಟಿಗಳನ್ನು ಲೂಟಿ ಮಾಡಿದ ನಮ್ಮ
ಮೇಟಿಗಳು ಗೋಡೆಗಳ ನಡುವೆ ಬಂಧಿ|
ಸಾಟಿಯಿಲ್ಲದ ಮಾತೆ ಸೂಟೆ ಹಿಡಿದಂತಿಲ್ಲಿ
ದಾಟಿ ಬಂದಿರುವರೇ ಬೊಮ್ಮಲಿಂಗ||೧೭೭||
ಕೋಟಿ ಕೋಟಿಗಳನ್ನು
ಲೂಟಿ ಮಾಡಿದ ನಮ್ಮ
ಮೇಟಿಗಳು ಗೋಡೆಗಳ ನಡುವೆ ಬಂಧಿ|
ಸಾಟಿಯಿಲ್ಲದ ಮಾತೆ
ಸೂಟೆ ಹಿಡಿದಂತಿಲ್ಲಿ
ದಾಟಿ ಬಂದಿರುವರೇ ಬೊಮ್ಮಲಿಂಗ||೧೭೭||
ಅಕ್ಕ ಪಕ್ಕದ ಗೂಡು ಹಕ್ಕಿಯಿಲ್ಲದೆ ಖಾಲಿ
ಪುಕ್ಕವನ್ನುದುರಿಸಿದ ಕಥೆಯ ಕೇಳಿ |
ಅಕ್ಕಿ ಹಾಕಲು ಬಂದು ಮುಕ್ಕುತಿದ್ದುದೆ ನೆನಪು
ಬಿಕ್ಕಳಿಸಿ ಬರುತಲಿದೆ ಬೊಮ್ಮಲಿಂಗ||೧೭೮||
ಅಕ್ಕ ಪಕ್ಕದ ಗೂಡು
ಹಕ್ಕಿಯಿಲ್ಲದೆ ಖಾಲಿ
ಪುಕ್ಕವನ್ನುದುರಿಸಿದ ಕಥೆಯ ಕೇಳಿ |
ಅಕ್ಕಿ ಹಾಕಲು ಬಂದು
ಮುಕ್ಕುತಿದ್ದುದೆ ನೆನಪು
ಬಿಕ್ಕಳಿಸಿ ಬರುತಲಿದೆ ಬೊಮ್ಮಲಿಂಗ||೧೭೮||
ತಮ್ಮದೇ ಕಮ್ಮದಲಿ ಸುಮ್ಮನೇ ನರಳಿದವು
ನಿಮ್ಮನೆಯ ಗೂಡಿನಲಿ ಹಾಡೊ ಹಕ್ಕಿ|
ಒಮ್ಮೊಮ್ಮೆ ನಮ್ಮಂತೆ ನೆಮ್ಮದಿಯ ತಡಕುತಲಿ
ಕಿಮ್ಮೆನದೆ ಕುಳಿತಿಹವು ಬೊಮ್ಮಲಿಂಗ||೧೭೯||
ತಮ್ಮದೇ ಕಮ್ಮದಲಿ
ಸುಮ್ಮನೇ ನರಳಿದವು
ನಿಮ್ಮನೆಯ ಗೂಡಿನಲಿ ಹಾಡೊ ಹಕ್ಕಿ|
ಒಮ್ಮೊಮ್ಮೆ ನಮ್ಮಂತೆ
ನೆಮ್ಮದಿಯ ತಡಕುತಲಿ
ಕಿಮ್ಮೆನದೆ ಕುಳಿತಿಹವು ಬೊಮ್ಮಲಿಂಗ||೧೭೯||
ಕೋಟಿಗಳ ಕೋಟವನು ದಾಟಿ ಹೋಗಿಹ ಧನಿಕ
ಮೇಟಿಯನು ಮೀಟುವಗೆ ಸಾಟಿಯಲ್ಲ|
ಊಟವೇ ಸಿಗದಿರಲು ನೋಟುಗಳ ರಾಶಿಯಲಿ
ನೋಟವಿಟ್ಟೇನು ಫಲ ಬೊಮ್ಮಲಿಂಗ|೧೮೦||
ಕೋಟಿಗಳ ಕೋಟವನು
ದಾಟಿ ಹೋಗಿಹ ಧನಿಕ
ಮೇಟಿಯನು ಮೀಟುವಗೆ ಸಾಟಿಯಲ್ಲ|
ಊಟವೇ ಸಿಗದಿರಲು
ನೋಟುಗಳ ರಾಶಿಯಲಿ
ನೋಟವಿಟ್ಟೇನು ಫಲ ಬೊಮ್ಮಲಿಂಗ|೧೮೦||
ನಾಯಕರು ತಾವಾಗಿ ಕಾಯಕದಿ ಸವೆಯುವಾ
ಮಾಯಕರ ವಂಚಿಪುದು ಸರಿಯೆ ನಿಮಗೆ|
ಗೇಯುತಿಹ ಕಾರ್ಮಿಕರ ಬೇಯುವರೆ ದೂಡದೆಲೆ
ಬಾಯಿ ತುಂಬಿಸೆ ನೋಡಿ ಬೊಮ್ಮಲಿಂಗ||೧೮೧||
ನಾಯಕರು ತಾವಾಗಿ
ಕಾಯಕದಿ ಸವೆಯುವಾ
ಮಾಯಕರ ವಂಚಿಪುದು ಸರಿಯೆ ನಿಮಗೆ|
ಗೇಯುತಿಹ ಕಾರ್ಮಿಕರ
ಬೇಯುವರೆ ದೂಡದೆಲೆ
ಬಾಯಿ ತುಂಬಿಸೆ ನೋಡಿ ಬೊಮ್ಮಲಿಂಗ||೧೮೧||
ಮುಕ್ತಕವೆ ಮೊದಲಾಗಿ ಶಕ್ತ ಗೋಷ್ಠಿಯ ನಾವು
ಯುಕ್ತಿಯಿಂ ಮನದೊಳಗೆ ನಡೆಸುತಿಹೆವು|
ಮುಕ್ತ ಮನವನು ಮಾಡಿ ಭಕ್ತಕವಿ ನಾವ್ ಬರೆದ
ಮುಕ್ತಕ ಪ್ರಾರ್ಥನೆಯು ಬೊಮ್ಮಲಿಂಗ||೧೮೨||
ಮುಕ್ತಕವೆ ಮೊದಲಾಗಿ
ಶಕ್ತ ಗೋಷ್ಠಿಯ ನಾವು
ಯುಕ್ತಿಯಿಂ ಮನದೊಳಗೆ ನಡೆಸುತಿಹೆವು|
ಮುಕ್ತ ಮನವನು ಮಾಡಿ
ಭಕ್ತಕವಿ ನಾವ್ ಬರೆದ
ಮುಕ್ತಕ ಪ್ರಾರ್ಥನೆಯು ಬೊಮ್ಮಲಿಂಗ||೧೮೨||
ಒಮ್ಮನದಿ ನಾವೆಲ್ಲ ತಮ್ಮ ಪೆಸರುಚ್ಚರಿಸಿ
ಹೆಮ್ಮೆಯೆನುತಲಿ ಪಾಡಿ ಪೊಗಳಿ ನೆನೆಯೆ|
ನಿಮ್ಮನ್ನು ನಮ್ಮೊಳಗ ಕಮ್ಮದೊಳು ಸೇರಿಸಲು
ಸಮ್ಮತಿಯ ಬೇಡುವೆನು ಬೊಮ್ಮಲಿಂಗ||೧೮೩||
ಒಮ್ಮನದಿ ನಾವೆಲ್ಲ
ತಮ್ಮ ಪೆಸರುಚ್ಚರಿಸಿ
ಹೆಮ್ಮೆಯೆನುತಲಿ ಪಾಡಿ ಪೊಗಳಿ ನೆನೆಯೆ|
ನಿಮ್ಮನ್ನು ನಮ್ಮೊಳಗ
ಕಮ್ಮದೊಳು ಸೇರಿಸಲು
ಸಮ್ಮತಿಯ ಬೇಡುವೆನು ಬೊಮ್ಮಲಿಂಗ||೧೮೩||
ನಲ್ಲೆಯಾದಳು ನೋಡಿ ಮೆಲ್ಲನಡಿಯಿರಿಸುತಲಿ
ಸಲ್ಲುವಂತೆಯೆ ಬಾಳ ಹಾದಿಯಲ್ಲಿ
ಸೊಲ್ಲನುಸುರದೆಲ್ಲವ ಬಲ್ಲವಳಂತೆ ನಡೆದು
ಗೆಲ್ಲುವಳು ಸಕಲರನು ಬೊಮ್ಮಲಿಂಗ ||೧೮೪||
ನಲ್ಲೆಯಾದಳು ನೋಡಿ
ಮೆಲ್ಲನಡಿಯಿರಿಸುತಲಿ
ಸಲ್ಲುವಂತೆಯೆ ಬಾಳ ಹಾದಿಯಲ್ಲಿ
ಸೊಲ್ಲನುಸುರದೆಲ್ಲವ
ಬಲ್ಲವಳಂತೆ ನಡೆದು
ಗೆಲ್ಲುವಳು ಸಕಲರನು ಬೊಮ್ಮಲಿಂಗ ||೧೮೪೧೧
ನನ್ನವಳು ಬಲುಜಾಣೆ ತನ್ನಂತೆ ಸರ್ವರನು
ಚೆನ್ನ ಮನದಲಿ ಕಂಡು ನಡೆಯುತಿಹಳು
ತನ್ನವರು ಮಿಗಿಲೆಂದು ನಿನ್ನವರು ಬೇರೆಂದು
ಹೊನ್ನ ಶೂಲವನಿಡದೆ ಬೊಮ್ಮಲಿಂಗ||೧೮೫||
ನನ್ನವಳು ಬಲುಜಾಣೆ
ತನ್ನಂತೆ ಸರ್ವರನು
ಚೆನ್ನ ಮನದಲಿ ಕಂಡು ನಡೆಯುತಿಹಳು
ತನ್ನವರು ಮಿಗಿಲೆಂದು
ನಿನ್ನವರು ಬೇರೆಂದು
ಹೊನ್ನ ಶೂಲವನಿಡದೆ ಬೊಮ್ಮಲಿಂಗ||೧೮೫||
ನಲ್ಲೆ ಮೊಗದಲಿ ಸವಿಯ ಬೆಲ್ಲದಂತಹ ಗಲ್ಲ
ಗಲ್ಲಿಗೇರಿಸೆ ಕಾದು ನೋಡುತೈತೆ
ಅಲ್ಲಿಲ್ಲಿ ನುಡಿಯುವರ ಗುಲ್ಲು ಮಾತಿಗೆ ನಡುಗಿ
ಝಲ್ಲೆನಿಸದಿರಿ ಹೃದಯ ಬೊಮ್ಮಲಿಂಗ ||೧೮೬||
ನಲ್ಲೆ ಮೊಗದಲಿ ಸವಿಯ
ಬೆಲ್ಲದಂತಹ ಗಲ್ಲ
ಗಲ್ಲಿಗೇರಿಸೆ ಕಾದು ನೋಡುತೈತೆ
ಅಲ್ಲಿಲ್ಲಿ ನುಡಿಯುವರ
ಗುಲ್ಲು ಮಾತಿಗೆ ನಡುಗಿ
ಝಲ್ಲೆನಿಸದಿರಿ ಹೃದಯ ಬೊಮ್ಮಲಿಂಗ ||೧೮೬||
ಸುಮ್ಮನಿರದೆಲೆ ನಾವು ನಮ್ಮದೇ ಹಿರಿದೆಂದು
ಗುಮ್ಮನನು ತಂದು ನಿಲ್ಲಿಸುವುದೇಕೆ|
ಒಮ್ಮತವ ಬಯಸುವರೆ ಸಮ್ಮತವದಿರಬೇಕು
ತಮ್ಮವರದೆನ್ನುತಲಿ ಬೊಮ್ಮಲಿಂಗ||೧೮೭||
ಸುಮ್ಮನಿರದೆಲೆ ನಾವು
ನಮ್ಮದೇ ಹಿರಿದೆಂದು
ಗುಮ್ಮನನು ತಂದು ನಿಲ್ಲಿಸುವುದೇಕೆ|
ಒಮ್ಮತವ ಬಯಸುವರೆ
ಸಮ್ಮತವದಿರಬೇಕು
ತಮ್ಮವರದೆನ್ನುತಲಿ ಬೊಮ್ಮಲಿಂಗ||೧೮೭||
ಎತ್ತರಕ್ಕೇರುವರೆ ಮೆತ್ತಗಿದ್ದರೆ ಸಾಕೆ
ಸುತ್ತಲಿನರಿವದಿರಲಿ ಬಂಧುವರ್ಗ|
ಸತ್ತವರ ಹಾಗಿರದೆ ಗೊತ್ತಿರುವದೆಲ್ಲವನು
ಹೊತ್ತಿನಲಿ ಬಳಸುತಿರಿ ಬೊಮ್ಮಲಿಂಗ||೧೮೯||
ಎತ್ತರಕ್ಕೇರುವರೆ
ಮೆತ್ತಗಿದ್ದರೆ ಸಾಕೆ
ಸುತ್ತಲಿನರಿವದಿರಲಿ ಬಂಧುವರ್ಗ|
ಸತ್ತವರ ಹಾಗಿರದೆ
ಗೊತ್ತಿರುವದೆಲ್ಲವನು
ಹೊತ್ತಿನಲಿ ಬಳಸುತಿರಿ ಬೊಮ್ಮಲಿಂಗ||೧೮೯||
ಒಪ್ಪಿಕೊಂಡೆನು ನಾನು ತಪ್ಪುಗಳನಿನ್ನು ತಮ-
ಗೊಪ್ಪುವುದ ಮಾತ್ರವೇ ಬರೆದುತರುವೆ|
ಅಪ್ಪಿತಪ್ಪಿಯು ಛಂದ ತಪ್ಪಿದವುಗಳು ಮುಂದೆ
ಬಪ್ಪುದಿಲ್ಲವೆಂಬೆನು ಬೊಮ್ಮಲಿಂಗ||೧೯೦||
ಒಪ್ಪಿಕೊಂಡೆನು ನಾನು
ತಪ್ಪುಗಳನಿನ್ನು ತಮ-
ಗೊಪ್ಪುವುದ ಮಾತ್ರವೇ ಬರೆದುತರುವೆ|
ಅಪ್ಪಿತಪ್ಪಿಯು ಛಂದ
ತಪ್ಪಿದವುಗಳು ಮುಂದೆ
ಬಪ್ಪುದಿಲ್ಲವೆಂಬೆನು ಬೊಮ್ಮಲಿಂಗ||೧೯೦||
ಅಪ್ಪಿಕೊಂಡಿರಿ ನೀವು ತುಪ್ಪ ಕದ್ದವನನ್ನು
ಬೆಪ್ಪನಂತಿಪ್ಪವನ ಮೊಗವ ಕಂಡು|
ಒಪ್ಪವದು ತಾನುಡಿದು ತಪ್ಪುಗಳ ಕಂಡುಂಡು
ಚಪ್ಪರಿಸಿ ತಳ್ಳುವನ ಬೊಮ್ಮಲಿಂಗ||೧೯೧||
ಅಪ್ಪಿಕೊಂಡಿರಿ ನೀವು
ತುಪ್ಪ ಕದ್ದವನನ್ನು
ಬೆಪ್ಪನಂತಿಪ್ಪವನ ಮೊಗವ ಕಂಡು|
ಒಪ್ಪವದು ತಾನುಡಿದು
ತಪ್ಪುಗಳ ಕಂಡುಂಡು
ಚಪ್ಪರಿಸಿ ತಳ್ಳುವನ ಬೊಮ್ಮಲಿಂಗ||೧೯೧||
ಮನದೊಳಗೆ ಚಿಂತೆಯದು ಮದದುಂಬಿ ಕುಳಿತಾಗ
ಮುದದಿಂದ ಕವನಗಳು ಹೊಮ್ಮುವುದೇ|
ಮನಬಿಚ್ಚಿ ನಗುತಿರಲು ಕನವರಿಕೆಯಲಿ ಕೂಡ
ನನಸಾಗ ಹೊರಡುವುದು ಬೊಮ್ಮಲಿಂಗ||೧೯೨||
ಮನದೊಳಗೆ ಚಿಂತೆಯದು
ಮದದುಂಬಿ ಕುಳಿತಾಗ
ಮುದದಿಂದ ಕವನಗಳು ಹೊಮ್ಮುವುದೇ|
ಮನಬಿಚ್ಚಿ ನಗುತಿರಲು
ಕನವರಿಕೆಯಲಿ ಕೂಡ
ನನಸಾಗ ಹೊರಡುವುದು ಬೊಮ್ಮಲಿಂಗ||೧೯೨||
ಮನದೊಳಗೆ ಚಿಂತೆಯದು
ಮದದುಂಬಿ ಕುಳಿತಾಗ
ಮುದದಿಂದ ಕವನಗಳು ಹೊಮ್ಮುವುದೇ|
ಮನಬಿಚ್ಚಿ ನಗುತಿರಲು
ಕನವರಿಕೆಯಲಿ ಕೂಡ
ನನಸಾಗ ಹೊರಡುವುದು ಬೊಮ್ಮಲಿಂಗ||೧೯೨||
Comments
Post a Comment