ಬಾಳ್ವೆ ನಮದಾಯ್ತು

ಬಾಳ್ವೆ ನಮದಾಯ್ತು

~~~~~~~~~~~

ಕರಿಯ ರವಿಕೆಯ ತೊಟ್ಟು ನಗುತಲಿ

ಜರಿಯ ಲಂಗದಿ ಮಿನುಗಿ ಚಿಮ್ಮುತ

ಹರನ ಸತಿಯನು ಹೋಲುವಂದದಿ ಬಂದೆ ನೀನಂದು|

ಸುರಿವ ಚೆಲುವನು ಕಂಡು ಮನದಲಿ

ಕೊರಗಿ ನಲುಗಿದೆ ಕನಸ ಕಾಣುತ

ಮರುಗಿ ಫಲವಿದೆಯೆನಿಸಲಿಲ್ಲವೊ ನಿನ್ನ ಚೆಲುವೆದುರು||

ಅತ್ತೆ ಮಗಳೇ ಕೇಳು ನಿನ್ನನು

ಸುತ್ತ ಹುಡುಕಿದೆ ನತ್ತು ನೋಡಲು

ಕತ್ತು ಕೊಂಕಿಸಿ ಹೊರಟು ಹೋದೆಯ ಮನವ ನೀ ಕೆಡಿಸಿ|

ಕಿತ್ತು ಬರುತಿಹ ಭಾವದಿಂದಲಿ

ಹೊತ್ತು ಹೊತ್ತಿಗೆ ಕೂಳು ತಿನ್ನದೆ

ಸತ್ತು ಹೋಗುವ ಹಾದಿ ಹಿಡಿದಿದೆ ತನುವು ನಿನ್ನಾಣೆ||

ಅಮ್ಮನರಿತಳು ನನ್ನ ಭಾವನೆ

ಸುಮ್ಮನಿರದೆಲೆ ನಿನ್ನ ತಂದೆಯ

ತಮ್ಮನೆದುರಲಿ ಮಗನ ಮದುವೆಯ ವಿಷಯ ವಿಟ್ಟಿರಲು|

ನಿಮ್ಮ ತಾಯಿಯ ಕೇಳಿ ನೋಡಲು

ಸಮ್ಮತಿಗಳನು ಪಡೆದು ಹಿರಿಯರ

ಸಮ್ಮುಖದಲಿಯೆ ಲಗ್ನ ತಿಳಿಯಲು ಮನವ ಮಾಡಿದರು||

ಭಗ್ನವಾಯಿತು ಕಷ್ಟವೆಲ್ಲವು

ಲಗ್ನ ಪತ್ರಿಕೆ ಹಂಚಿಕೊಂಡೆವು

ವಿಘ್ನವಿರದೆಲೆ ಮದುವೆ ನಡೆಯಲು ಕೋರಿ ಕೊಂಡಿಹೆವು|

ಅಗ್ನಿದೀಪನವಾಯ್ತು ಕುಂಡದಿ

ವಿಘ್ನರಾಜನ ಕರುಣೆಯಿಂದಲಿ

ಲಗ್ನ ಮುಗಿಯಲು ಹರುಷದಿಂದಿಹ ಬಾಳ್ವೆ ನಮದಾಯ್ತು.||

ಪಶಿವೈ

ಪಿ ಎಸ್ ವೈಲೇಶ ಕೊಡಗು

೨೭/೧೧/೨೦೧೯

ನಾ ಕಂಡಂತೆ ಕವಿ ಸಾಹಿತಿ ಕಲಾವಿದರು