ಅಚಲ ಪ್ರೀತಿ

ಅಚಲ ಪ್ರೀತಿ
~~~~~~~~

ಪ್ರೀತಿ ಅಚಲವಾಗಿರಲಿ ಗೆಳತಿ
ಮನಸ್ಸು ಬಾಲವಿರದ ಕೋತಿ
ತಪನೆ ತಾನಾಗದಿರಲಿ ಅತಿ
ಅಗಲಿ‌ ‌ಇರಲಾರೆ ನಿನ್ನ ರತಿ ||ಪ||

ಈ ಬಾಳ ಬಾನಿನಲಿ ನೀನೇ ಶಶಿ
ಅನುದಿನವೂ ನಗುತಿರಲಿ ಖುಷಿ
ನಿನ್ನ ಪ್ರೇಮ ಆರಾದಿಸುವ ಋಷಿ
ನಾನಾಗುವೆ ಬಾರೇ ಪಟ್ಟದರಸಿ ||೧||

ಒಲವೆಂಬ ಹೂವ ಪ್ರೀತಿ ನಾವಾಗಿ
ನದಿಯೆದೆ ಸುಳಿ ಕಡಲಲೆ ನೀರಾಗಿ
ಬೇಕಾದ್ದು ಬೇಡದ್ದು ಒಳಗೆ ಅಡಗಿಸಿ
ದುಷ್ಟ ಜಂತಿನ ಒಳಸಂಚು‌ ಎದುರಿಸಿ ||೨||

ಬಾಳ ಪಯಣದಿ‌ ನಡೆವ ಒಡತಿ
ನಾಳೆ ನಮದೆಂದು ನುಡಿವ ಗೆಳತಿ
ಏಳು ಜನುಮವು ನಾವೇ ದಂಪತಿ
ಸಾಗಲಿ ಹೀಗೆಯೇ ಬಾಳ ಸಂಪ್ರೀತಿ||೩||

ವೈಲೇಶ ಪಿ ಯೆಸ್ ಕೊಡಗು
ಚಾಲಕ ಕರಾರಸಾಸಂಸ್ಥೆ ಮಡಿಕೇರಿ
೨೬/೮/೨೦೧೭